Bodil er nýkomin til landsins (kom 16/09 -08) frá Lei-Anns ræktun í Svíþjóð. Fyrri eiganda hennar ætlaði að nota hana sem þjónustuhund, og hefur hún verið þjálfuð með það sem markmið. Með tímanum komst hann að því að hún var ekki rétti hundur fyrir sig, og þurfti þessvegna finna nýtt heimili fyrir hana.

Bodil er með einstaklega góða skapgerð. Hún er opin og social, elskar allt fólk. Er mjög góður og yfirvegaður hundur, og það fer lítið sem ekkert fyrir henni hérna heima. Hún er vel balanseruð og stabíl, þó svo hún sé hátt tempereraður hundur. Hennar vinnueiginleikar eiga ekki mikið uppá sig vanta, fyrir mig og mín markmið. Hún er leik- og leikfangaóð. Virðist óþreytanleg í vinnu og vill allt fyrir mann gera. Leggur sig alla fram sama hvert verkefnið er. Vonin mín er að hún verði björgunarhundur, og við eigum eftir að sjá hvernig það gengur. Eins og hlutirnir líta út núna mun ekkert stoppa okkur!